බෝතල් කැට බවට පත් කරමු

 

ඉතාම කෙටියෙන් කෙටි පොස්ටුවක් අලවන්න හිතුනා. මේක අලුත් ක්‍රමයක් විදිහට පෙන්වා දෙන්න හිතුනා. ක්‍රමය ගැන සරලව කියනවා නම් බෝතල් කැට බවට පත් කිරීම. එහෙනම් පැහැදිලි කිරීමකට යමු.

 

වෙලදපොලේ තියෙන සියලුම දියර වර්ග කැට වශයෙන් නිෂ්පාදනයට යොමු කරමු යන්න මගේ යෝජනාව. දැනට  වෙලදපොලේ තියෙන දියරම නිෂ්පාදන ගත්තොත් ඒ නිෂ්පාදන වලින් බහුතරයක වැඩිපුරම සන්ගටකයක් විදිහට තියෙන්නේ වතුර. උදාහරණයක් විදිහට ගත්තොත් වැසිකිලි සෝදන හාර්පික් එකේ ඉදන් රෙදි සෝදන සන්ලයිට් කෙයාර් වලත් වැඩිපුරම තියෙන්නේ සන්ගටයක් විදිහට වතුර. ලංකාවේ කඩවල සුපර් මාර්කට් එකේ තියෙන දියර නිෂ්පාදන ගැන හිතලා බලන්න. සියට 90% ක් වගේ නිෂ්පාදන වල වැඩිපුර ප්‍රතිශතයක් ලෙස තියෙන්නේ වතුර.

 

ඉතින් මගේ යෝජනාවේදී දියර වශයෙන් භාණ්ඩ විකුණන සමාගම් දියර වෙනුවට අලෙවි කරන්නේ කැට. උදාහරණක් විදිහට වෙනදට වැසිකිලි සෝදන හර්පික් බෝතලය වෙනුවට හාර්පික් කැටයක් එන්නේ. ඒ කැටයේ කැටය දියකරගන්න ඕනි වතුර ප්‍රමාණය සදහන් කරලා තියෙනවා. ඔය කැටයක් උපරිම සබන් කැට භාගයක් වගේ විතර වෙයි. අනික ගෙදර ඉන්න ඕනිම කෙනෙක්ට ලේසියෙන්ම ඒ වැඩේ කරගන්න පුළුවන්.   දැන් ලංකාවේ හැම තැනකම වතුර තියෙනවා. ලංකාවේ විතරක් නෙවෙයි ලෝකෙම එහෙමයි. එහෙම පහසුකම් තියෙන නිසා ලේසියෙන්ම වැඩේ කරන්නත් පුළුවන්. එම ක්‍රමයේ මම දකින වාසි පහලින් දැක්වේ.

 

1. බෝතල් (ප්ලාස්ටික්/විදුරු) වලට යන වියදම් වීම.

 

2. බෝතල් නිපදවීමට යන යන්ත්‍ර සුත්‍ර වලට යන වියදම් අඩු වීම.

 

3. කර්මාන්තකරුවාගේ විදුලිය සදහා යන වියදම අඩු වීම.

 

4. කැට වශයෙන් තියෙන විට ප්‍රවාහනයේ පහසුව. ඉන්දන වියදම් අඩු වීම. අතුරු ප්‍රතිපලයක් ලෙස මාර්ග තදබදය අඩු වීම. ප්‍රවාහනයේදී කර්මාන්තකරුවා සහ පරිබෝගියා යන දෙදෙනාටම වාසිසහගතය.

 

5. වියාපාරික ස්ථාන වල ඉඩ ඉතිරි වීම. දැනට කඩවල් වල තියෙන ඉඩ ප්‍රමාණයෙන් සැලකිය යුතු ඉඩක් මේ සදහා වැයවේ.

 

5. පරිසර හානිය අවම වීම. ප්ලාස්ටික් භාවිතය අවම වීම.

 

6. අවසානයේ පාරිබෝගිකයාට ඉතාම අඩු මුදලක් යටතේ භාණ්ඩ මිලදී ගැනීමට හැකියාව ලැබීම. 

 

කොහොමනමුත් මේ ආකාරයට වෙලදපොලේ තිබෙන සියලුම නිෂ්පාදන නම් හරවා ගන්න බැරි වෙයි. අඩුම තරමින් 50% ක් වත් මේ ආකාරයට වෙනස් කරන්න පුළුවන් වෙයි. ඔබේ අදහසුත් පහලින් කොටන්න.

 

නැවතත් වෙනත් ලිපියකින් හමුවෙමු. එතකන් ඔබටත් මටත් ජය.

 

සලිත

2023.02.19

ප ව 09 26

අලුත් විදිහකට කරන්ට් බිල

 

2016 දී ලියපු එකක් නැවත පලකිරිමකි.

ඔන්න බොලන් අදත් මම කොටන්න කියල.වැහි වලාහක දෙවියන් විශාම ගිහින් ඉන්න මොහොතක කොටන්න සුජානම. ජල විදුලිය නිපදවීම අඩු වීම නියගය එක්ක එන එක් ගැටළුවක්. 

දැනට අවුරුදු  50, 100 අතීතයට ගිය විට විදුලිය කියන්නේ රටේ යම් කිසි පිරිසක් විතරක් භාවිතා කරපු දෙයක්. එත් දැන් විදුලිය යනු මිනිසාට නැතිවම බැරි දෙයක් වෙලා ඉවරයි. අපේ රටේ විවිධාකාරයේ විදුලි උත්පාදන ක්‍රම පවතිනවා.දවසක් දෙකක් නොව විනාඩි පහක් දහයක් විදුලිය විසන්ධි උනත් අපේ අයට ඉවසන්න බැරි තරම් විදුලිය දැන් වටිනා දෙයක්. මුලික වශයෙන් මිනිසා තමන්ගේ වැඩ පහසු කරගන්න විදුලිය උපකාරී කරගන්නවා. වැඩ පහසු කරගන්න කිව්වම නොකියාම බැරි දෙයක් මතක් උනා. ලගදි   දිනයකදී මට අපේ සීයාගේ දින පොත් වගයක් කියවන්න හම්බ උනා.හැම දිනකම වගේ සීයා දවල් 1 30 වෙද්දී දවසේ වැඩ ඉවර කරලා තිබුනා. එත් ඒ කාලේ වී මෝල්,වී ප්‍රවාහනයට වාහන ඒ වගේ දේවල් පවා තිබුනේ නැතත් ඔහු සෑම දිනයකම වැඩ කලින් ඉවර කරලා තිබුනා. හවස් වරුව කඩයේ ගත කරලා. එත් වර්තමානයේ අපිට වැඩ පහසු කරන ක්‍රම කොපමණ තිබුනත් අපි එදා සීයල විදපු නිදහස විදිනවාද කියන එක ගැටළුවක්.ආයෙත් අද කතාවට එමු. සමහරෙක් තමන්ගේ විනෝදය උදෙසා විදුලිය උපකාරී කරගන්නවා. දැනටමත් ප්‍රවාහන කටයුතු සදහාද විදුලිය භාවිත වෙනවා. ඉහත කී නොකී සියලු දේවල් වලින් ගම්‍ය වන්නේ අපට විදිලිය නැතිවම බැරි දෙයක් බවට පත්ව ඇති බවය.

ලංකාවේ ඉන්න අපිට විදුලිය අපහසුවකින් තොරව ලැබෙනවා. එත් අප අසලම තියෙන රට වල දිගු කාලින විදුලි කප්පාදු සිදුවෙන බව මන් අසා තිබෙනවා.අපේ රටේ ප්‍රධාන වශයෙන් ඉන්ධන, ජලය සහ ගල් අගුරු භාවිතයෙන් විදුලිය  නිපදවනවා. මේවා  මගින් විදුලිය නිපදවීමේදී විශාල වියදමක් යනවා. ඊට අමතරව නඩත්තු කටයුතු, සේවක වැටුප් වලටත් වියදමක් යනවා. ඉතින් මේ සියලු කටයුතු පාලනය වන්නේ විදුලි බල මණ්ඩලයෙන්.

මේ වියදම්වන වියදම හොයාගන්න විදුලිබල මණ්ඩලයෙන් මාස් පතා බිලක් අය කරනවා. තමන් පාවිච්චි කරන ඒකක ගණනට අනුව විදුලි බිලක් නියම වෙනවා. පසු ගිය කාලයේ එක්තරා ඇමති කෙනෙකුගේ විදුලි බිල රුපියල් 100000 ආසන්න නිසා රටේ ඉතා විශාල කතා බහක් පවා ඇති උනා .නමුත් මේ කාලයේ  විදුලි බල මණ්ඩලය විශාල පාඩුවක් හරහා ගමන් කරන බව විටින් විට අසන්නට ලැබුනා. දැනටත් පාඩු ලබනවද කියලා මම හරියටම දන්නේ නම් නැ.

මෙසේ පාඩු ලැබීමට මුලිකම හේතුව පාරිභෝගිකයන් විසින් කලට වෙලාවට විදුලි බිල්පත් ගෙවීම මග හැරීම බව මට හිතෙනවා. අපේ රට කරවන අය කියන පරිදි විශාල සොරකම් නිසාද මණ්ඩලය පාඩු ලබනවා. එත් සොරකම් කිරීම නතර කිරීම කෙසේවෙතත් පාරිබෝගිකයන්ගෙන් අදාළ බිල ලබා ගන්න හැකියක්වක් තියෙනවා. බිල ගෙවන්නේ නැතිව light කපන්න ආවාම ගුටි කාල ගිය විදුලි බල මණ්ඩලයේ සේවකයන් පිළිබදවද මන් අසා තියෙනවා.

නමුත් මම මේ යෝජනා කරන ක්‍රමයෙන් විදුලි පාරිබෝගිකයන් අනිවාර්යයෙන්ම බිල ගෙවිය යුතුයි.මෙම ක්‍රමය කලින් යෝජනා වෙලා තියෙනවද කියන්න මම දන්නේ නම් නැ. reload ක්‍රමයට විදුලිය දීම මගේ යෝජනාවයි. එනම් අපි දුරකතනට සල්ලි දා ගෙන ඇමතුම් ගන්නවා වගේ විදුලි reload card එකක් දා ගෙන විදුලිය පාවිච්චි කිරීම. මේ සදහා නවතම විදුලි මීටරයක් ඕනි වෙනවා.එම මීටරය ෆොනේ එකක්  වගේම වෙන්න ඕනි. එමගින් විදුලිය මැනීමට අමතරව මුදල් ගිණුමට දැමීම ,ඉතිරි ශේෂය විමසීම[නැතහොත් ඉතිරි එකක ගණන], මේ ආකාරයෙන් තව කොපමණ කාලයක් විදුලිය පාවිච්චි කල හැකිද යන තොරතුරු ඉදිරිපත් වෙන්න ඕනි. ඊට අමතරව විදුලි මිටරයටද සම්බන්ද වෙන්න ඕනි. එමගින් තමන් දාපු මුදල් ඉවර වෙනකොට ඉබේටම විදුලිය ඇන හිටින්න ඕනි. තවත් ඕනි නම් දවසකට දෙකකට පොඩි ණයක් ආකාරයට විදුලිය පරිබෝජනය කරන්න දෙන්න පුළුවන් එත් ඊට වඩා දවසක්වත් මුදල් දැමීමකින් තොරව විදුලිය භාවිත කරන්න නොදිය යුතුය. විදුලිය ඕනිම නිසා ජනයා කෙසේ හෝ විදුලිය ගන්න light reload card මිලදී ගනීවි.

මේ ක්‍රමය මගින් විදුලි බල මණ්ඩලයට විශාල වාසියක් ලැබේවි. මනු කියවන්නට ගෙවන මුදල් ඉතිරි වෙයි. තවද කලට වෙලාවට මණ්ඩලයට මුදල් ලැබේවි.නමුත් මෙම ක්‍රමය ක්‍රියාවට නංවන්න විශාල මුදලක් වැය වේවි නමුත් ඒ මුදල වැය කලොත් පාඩුවක් වෙන එකක් නම් නැති වේවි. ඔබේ අදහස කුමක් වේවිද කියන්න මම නම් දන්නේ නැ. මම හුදෙක්ම මගේ  අදහසක් ඉදිරිපත් කරා.

සලිත.

2023 01 16

ප ව 6 31